Rerenga Kōrero Ngoi

Ka hangaia pēneitia te rerenga kōrero ngoi:

Tense + verb + subject + i/ki + object.
Kua + horoi + au + i + ngā kākahu.

Kua horoi au i ngā kākahu.
I have washed the clothes.

I roto i te reo Ingarihi, mehemea ka rerekē te wā, ka rerekē te āhua o te kupu mahi, hei tauira, go, going, went te mea, te mea. I roto i te reo Māori ko te tohu wā anake te mea ka rerekē, ka ōrite te āhua o te kupu mahi. Hei tauira, ko te kupu mahi haere, ko tōna tikanga te haere.

	Tohu wā	He Tauira
Wā o mua, kua oi	Kua	Kua haere au. I have been / have gone.
Wā o mua	I	I haere au. I went.
Ināianei	Kei te	Kei te haere au. I am going. Kei te noho au i Pukerua Bay. I am living in Pukerua Bay.
Kei te haere tonu	e (verb) ana	E haere ana au. I am going. E noho ana au i Pukerua Bay. I live in Pukerua Bay.
Wā ki muri	Ka	Ka haere au. I will go.

He whakamārama

e (verb) ana - kei te haere tonu

E kīia nei tēnei wā ko te wā haere tonu, nō te mea ka waiho hei tohu mō tētahi āhuatanga, tētahi mahi e haere tonu ana ahakoa i te wā o mua, o muri, o nāianei rānei.

I tērā tau e ako ana ia.
Last year she was studying.

I roto i te whakatakoto reo Pākehā, ko ‘was’ te tohu o te wā o mua. Ko ngā punga e...ana e pai ana mō ngā kōrero pēnei i tēnei e pā ana ki te wā o mua. Ko ngā punga kei te... e pai ana mō te wā o nāianei anake.

Ka - wā muri, te mahi o muri

Ka tohu a 'Ka' i te mahi e whai ake nei: Ka whakamahia anō hoki ki te tohu ka whai ake tētahi mahi, hei tauira:

Ka hoki mai ia.
He will return.

I muri i te hui, ka hoki mai ia.
After the hui, he returned.