Kupu Mahi Whiti

E rua ngā kaiwhakauru mō ngā kupumahi whiti: te kaimahi me te kaiwhiwhi. Ka whiti te mahi mai i te kaimahi ki te kaiwhiwhi (ka pā te mahi ki a ia).

Hei tauira:

Kei te patu te tama i te taramu.
The boy is hitting the drum.

Kei te tauira nei ko te kaimahi o te mahi ko 'te tama', ā, ko te kaiwhiwhi i pāngia ko 'te kurī'.

Ka kitea kāore he take o te kī 'Kei te patu te tama.' Ahakoa reo Māori, reo Pākehā rānei ka pātaingia te pātai 'Kei te patu i te aha?', nā reira kāore anō kia oti te rerenga kōrero, mā te kaiwhiwhi e whakaoti. He āhuatanga nō ngā kupu mahi whiti tēnei. 'Kei te patu i te aha?' 'Kei te patu i te taramu - kei te patu te tama i te taramu.'

E pēnei ana te whakamahi i te kupu mahi whiti:

• Ngoi: I patu te tama i te taramu. (The boy hit the drum.)
  
• Hāngū: I patua te taramu e te tama. (The drum was hit by the boy.)
  
• Kaimahi whakaputa: Nā te tama te taramu i patu. (It was the boy that hit the drum.)
  

Mō ngā whakahau, ka hāngū te āhua o ngā kupu mahi whiti.