Pupuritanga T-

Ka rerekē te āhua o te pupuritanga momo T- mehemea kotahi te mea e pupuritia ana, neke atu rānei:

Te mea kotahi: tā/tō + kaipupuri
E rua (neke atu rānei) ngā mea: ā/ō + kaipupuri

(Whakaarohia ngā rōpū a/o i runga ake.)

E rua ngā āhua, tētahi mō te tūpou takitahi hei kaipupuri (au, koe, ia), tētahi mō te tūpou takitini (kōrua, mātou, tātou etc).

Ngā āhua takitahi

	Te nui o ngā mea pupuritia
	Kotahi	E rua, neke atu rānei	Reo Pākehā
Tautahi	tāku / tōku	āku  / ōku	my
Taurua	tāu / tōu	āu / ōu	your
Tautoru	tāna / tōna	āna / ōna	his or her

     
Ētahi tauira o te mea takitahi e pupuritia ana:

tāku pene (my pen)
tōna waka (his/her car)

Tangohia te 't' i te tūpou pupuri mehemea neke atu i te kotahi te mea e pupuritia ana:

āku pene (my pens)
ōna waka (his/her cars)

Ngā āhua takitini

Number of things possessed
Kotahi	E rua, neke atu rānei	Reo Pākehā
tā/tō tāua	ā/ō tāua	our (2 inclusive)
tā/tō tātou	ā/ō tātou	our (3+ inclusive)
tā/tō māua	ā/ō māua	our (2 exclusive)
tā/tō mātou	ā/ō mātou	our (3+ exclusive)
tā/tō kōrua	ā/ō kōrua	your (2)
tā/tō koutou	ā/ō koutou	your (3+)
tā/tō rāua	ā/ō rāua	they (2)
tā/tō rātou	ā/ō rātou	they (3+)

Ētahi tauira o te mea kotahi e pupuritia ana e ētahi tāngata:     

tā tātou karaihe
our (3+ inclusive) class

tō rāua whare
their (2) house   

Tangohia te 't' i te tūpou pupuri mehemea neke atu i te kotahi te mea e pupuritia ana:

ā tātou karaihe  
our (3+ inclusive) classes

ō rāua whare
their (2) houses

Mehemea ehara te kaipupuri i te tūpou

Mehemea ehara te kaipupuri i te tūpou, tangohia te tūpou kei ngā tauira i runga ake nei, ka whakauru ai i te kīanga kupu ingoa:

tā te kuia mokopuna   
the old woman's grandchild

ā te kuia mokopuna
the old woman's grandchildren

tō te tāne waka
the man's car

ō te tāne waka
the man's cars

Mehemea he kupu ingoa tūturu

Mehemea he kupu ingoa tūturu te kaipupuri, whakaurua te ingoa ki muri i tā/tō, ā/ō:

tā Kelly rorohiko
Kelly's computer

ā Kelly rorohiko
Kelly's computers