Te kupu ‘ai’

Kei roto i tēnei wāhanga e rima ngā tūmomo whakamahinga o te kupu ai ka tirohia:

  1. He kōrero tāpiri
  2. Ritenga mahi
  3. Mahi tōmuri
  4. He whakaingoa i te whāinga i mahia ai tētahi mahi
  5. Aho tūhono

1. He kōrero tāpiri

Ko te tikanga o te kōrero tāpiri, kua tapiritia tētahi kōrero ki tētahi rerenga kōrero, hei tauira:

I haere ngā tamariki ki te moana kauhoe ai.
The children went to the ocean and swam.

I konei ko te kōrero tuatahi, i haere ngā tamariki ki te moana, ā, ko te kōrero kua tāpiritia (kōrero tāpiri) ko te kauhoe. Ka tāpiritia te kupu ai i muri i te kōrero kua tāpiritia i roto i tēnei tauira.

2. Ritenga mahi

Ka tohua te mahi rite tonu nei te mahi i ngā wā katoa ki te ai:

Waiata ai ngā manu i ngā ata.
The birds sing in the mornings.
/ The birds usually sing in the mornings.

Ka tū takitahi te kupu mahi, arā waiata, ā, ka tāpiritia ki muri te kupu ai. He tauira anō:

Kai ai te ngeru i ngā kiore.
The cat eats mice.
/ The cat always eats mice.

Arā, ka kai te ngeru i te kiore, ka kai te ngeru i te kiore i ngā wā katoa rānei

3. Mahi tōmuri

Ko te tikanga o te ‘mahi tōmuri’ he rerenga kōrero e whakahua ana i tētahi mahi, ā, ka whai atu he mahi anō i taua mahi tuatahi. Hei tauira:

Ka ruku koe i te wai ka puta ake ai anō ki runga.
You dive into the water and then come back up again.

Nā reira, ki te ruku koe ki roto i te wai ko te mahi ka whai i tēnei ko te pueatanga ki runga, nā reira ko te mahi tuarua, arā te pueatanga, ka whai i tō rukuhanga ki raro i te tuatahi.

4. He whakaingoa i te whāinga i mahia ai tētahi mahi

I roto i te reo Māori, ko te tikanga o te whakatakotoranga kia + kupu mahi + ai he whakaingoa i te whāinga i mahia ai tētahi mahi. Anei ētahi tauira:

Karangatia tōu matua kia kite ai ia i a tāua e noho ana ki konei.
Call out to your dad so that he will see us sitting here.

Māku ngā taputapu e horoi kia haere tere ai au ki te whare kanikani.
I will wash the dishes so that / so I can hurry up and go clubbing.

A similar formulation is E … ai + subject + me + verb, for example:

E mauri tau ai koe me pūmanawa, whakahā.
In order to relax, you should take a deep breath in and exhale.

5. Aho tūhono

Rite tonu te kitea o te punga 'ai' i roto i ngā aho tūhono mō te wā, mō te wāhi, mō te taputapu, mō te take, ā, mō te wā o mua o muri rānei:
Koinā te take i whakaaengia ai te kaupapa.
That’s the reason that the policy was approved.

He tino koi te māripi i tapahia ai te mīti poaka.
The knife with which the pork was cut up was very sharp.

Kāore anō kia whakatauria te rā e whakatuwheratia ai te marae.
The day on which the marae will be opened has not yet been decided.
Footer