Ngā kīanga tautuhi me ngā rerenga kōrero tautuhi

Ka tohua ngā kīanga tautuhi me rerenga kōrero tautuhi ki te kupu Ko.

Ko ngā kīanga tautuhi

Ka tohua e ngā kīanga tautuhi tētahi mea, tētahi tangata rānei kei te kōrerotia. Hei tauira: arā Te tama, he rerekē anō ki He tama. I tēnei tauira kei te tohua te mea kua kōrerotia (te tama), he rerekē anō ki te mea kāore i tohua (he tama). He pū tautuhi a Ko.

Tērā pea kei roto i te kīanga tautuhi ko ngā pūmau; ko te me ngā. Ko te te kupu Māori mō te the o te reo Pākehā (takitahi), ā, ko ngā te kupu Māori mō the (takitini) Anā te tauira e whai ake nei.

Ko te ngeru.
The cat. (takitahi - kotahi te ngeru)

Ko ngā ngeru.
The cats. (takitini - e rua ngā ngeru, neke atu rānei)

Ngā rerenga kōrero tautuhi (ngā rerenga kōrero whakaōrite)

Ko ngā wāhanga o te rerenga kōrero tautuhi (whakaōrite he ingoa anō) ko te kīanga tautuhi me te tāhu, hei tauira:

Kīanga tautuhi + Tāhu

Ko te ngeru + tērā.
That is the cat. (singular - 1 cat)

Ko ngā ngeru ērā.
Those are the cats. (plural - more than 1 cat)

Ko ia te kaiako.
He is the teacher.

Ko tēnei whare te whare o Hone.
This house is Hone's house.

Kei ngā tauira o runga ake nei, ko tērā me ērā i tuhia ake nei he tauira o ngā pūhea.